“Downsizing” është një film komedi, i cili do shfaqet në kinematë Millenium, Imperial e Cineplexx që prej datës 1 shkurt.
Ky film është një satirë sociale mbi një burrë, i cili mendon se jeta e tij do të përmirësohej nëse do të ishte vetëm 13 cm i gjatë, duke i lejuar vetes që të jetojë si i pasur.
“Gnome Alone” është një film i animuar që tregon historinë e Khloe, e cila kur zbulon se xhuxhat e rinj në kopshtin e saj nuk janë ashtu siç duken, i duhet të zgjedhi midis ndjekjes së jetës së gjimnazit që ka ëndërruar gjithmonë, apo të bëhet pjesë e luftës kundër krijesave Troggs.
Ky film do të shfaqet që prej datës 1 shkurt në kinematë Millenium, Imperial, Cineplexx.
“All The Money In The World” tregon historinë e vërtetë të njeriut më të pasur të viteve ’60, miliarderit Jean Paul Getty dhe përpjekjet e djalit të tij për të shpëtuar të birin 16 vjeç nga rrëmbyesit, duke iu lutur Jean Paul që të jepte paratë e shpërblimit. Ky film do të shfaqet që prej datës 1 shkurt në kinematë Millenium, Cineplexx e Imperial.
Ndërkohë, në kinema po vazhdojnë të shfaqen filmat: “Den of Thieves”; “Tadeo Jones 2”; “Maze Runner: The Death Cure”; “Insidious 4”; ; “”Jumanji: Welcome To The Jungle”, etj.
