Platforma sociale e shpërndarjes së fotove, Instagram, ka publikuar dje përditësimin e tij më të ri, i cili lejon historitë që një person hedh të jenë të dukshme tek profili i vet gjithmonë.
Me anë të këtij opsioni, ju mund t’i ruani privatisht historitë pas 24 orëve, në seksionin “Stories Archive”, ose t’i bëni publike për këdo për t’i parë, duke i ruajtur tek “Stories Highlights”.
Kështu, nga ky përditësim, do të ndryshojë edhe pamja e profilit tuaj personal, pasi lart fotove që keni hedhur do të shfaqen historitë që ju i keni bërë publike për gjithkënd që ju ka follow.
Mesa duket Instagrami është inspiruar sërish nga platforma Snapchat. Ky opsion ngjason me Memories, që Snapchat e hodhi në treg gati dy vite më parë, i cili shërben për të ruajtur përgjithmonë historitë, duke krijuar mundësinë e rihedhjes së tyre.
