Në fshatin Kurjan të zonës së Roskovecit në Fier është restauruar Kisha e Shën Kollit, e cila është ndërtuar që në shekullin XIII, në stilin bizantin.
Pikturat murale që zbukurojnë brendësinë e kësaj Kishe, janë veprat e ikonografit Nikolla, biri i Onufrit dhe ndihmësit të tij, Joanit.
Ndërhyrjet që janë bërë në këtë Kishë konsistojnë në restaurimin e çatisë, muraturës, fasadës së objektit, pikturës murale dhe sistemimin e ambienteve përreth objektit.
Ndërkohë, Ministria e Kulturës ka theksuar se turizmi kulturor është një nga prioritetet e saj kryesore.
