Google Maps ka shtuar një risi në aplikacionin e vet: Ҫdo person që udhëton me urban, tren apo metro, do të lajmërohet nëpërmjet një njoftimi kur janë duke iu afruar destinacionit të tyre.
Kjo shtojcë e vogël, por e rëndësishme, u vjen në ndihmë të gjithë qytetarëve që udhëtojnë me mjetet e transportit urban, duke minimizuar ngatërresat e ndryshme që shkaktohen nga mungesa e njohurive rreth adresave apo e vëmendjes teksa jeni në rrugë.
Gjithashtu, ju mund të ndani me miqtë dhe familjarët tuaj vendndodhjen tuaj në hartë, duke përzgjedhur personat që ti do që të shikojnë se ku ndodhesh.
Ky opsion i ri është i disponueshëm për të gjithë përdoruesit e Android, por gjendet edhe në versionin e Maps në iOS.
