17-21 Nëntor, Pallati i Kongreseve
Më datë 17 nëntor, Pallati i Kongreseve do të hapë dyert për të mirëpritur gjithë libradashësit në eventin e vitit. Panairi i Librit, edicioni i njëzetë e katërt, do të rikthehet në Pallatin e Kongreseve, si çdo edicion para tij, me përjashtim të panairit të vjetshëm. Si pasojë e situatës së krijuar në vend nga Covid-19, Panairi i vitit 2020 u mbajt online.
Panairi do të fillojë më 17 nëntor e do të zgjasë deri më datë 21.
Shoqata e Botuesve Shqiptarë premton “promovime, biseda me shkrimtarë, përkthyes, lexues, workshope, seminare, diskutime, dhënie çmimesh e shumë të tjera.”
Pjesëmarrës do të jenë edhe botues nga Kosova, Maqedonia e Veriut dhe Mali i Zi.
