Shfaqja ”Njësoj si ti” nga teatri Metropol këtë herë erdhi ndryshe pasi aktorët i dhuruan disa orë të mrekullueshme fëmijëve në pavijonin e Pediatrisë në QSUT.
Kjo shfaqje përveçse i kënaqi fëmijët pamasë dhe u kujtoi atyre se të gjithë jemi njëlloj, i gëzoi ato me dhuratat e shumta që ishin mbledhur gjatë dy fundjavave për to në Metropol.
Teatri Metropol ka zgjedhur të përdorë fuqinë e kukullave për të sjellë një eksperiencë të paharrueshme edukative, ku mësojmë dhe informojmë fëmijët mbi shqetësimet dhe dallimet sociale, duke u dhënë atyre aftësitë që ata kanë nevojë për të qëndruar të sigurt dhe të shëndetshëm.
