Art & Kulturë

Nis festivali ‘Teatri Ndryshe’

Në sallën e Teatrit ‘Avdush Hasani’ në Podujevë, sonte nis rrugëtimin e nëntë Festivali Tradicional ‘Teatri Ndryshe’.

Festivali ‘Teatri Ndryshe’, i cili është nën përkujdesje të Kryetarit të Komunës së Podujevës, Agim Veliu, për pesë ditë me radhë, nga data 24 korrik deri më 28 korrik, në skenën e teatrit ‘Avdush Hasani’ do të sjellë shumë shfaqje të zhanreve të ndryshme.
Aktivitetet e festivalit fillojnë sonte prej orës 19:00 me ekspozitën ‘Promovimi i Trashëgimisë Kulturore’, e cila mbahet në oborrin e ‘Avdush Hasani’. Prej orës 20:00 bëhet hapja solemne nga nxënësit e shkollës së mesme së kitarës ‘Mirela’ në Podujevë. Ndërsa prej orës 20:30 do të jepet shfaqja e dramës ‘Muhamed Ali’ me autor dhe regjisor Naser Shatrolli.

Leave a reply

InfoKult jep informacion 360 gradë për të kaluar kohën e lirë sa i takon artit, kulturës dhe turizmit (në kuptimin e destinacioneve turistike).