KONFERENCA RAJONALE “Drejtësia Sociale dhe Zhvillimi Ekonomik në Ballkanin Perëndimor”
Student Economic Forum në bashkëpunim me Albanian Consumer Center ka kënaqësinë t’ju ftojë të merrni pjesë në konferencën e parë shkencore me temë “Drejtësia Sociale dhe Zhvillimi Ekonomik në Ballkanin Perëndimor” punimet e të cilës do të mbahen në Tiranë, Shqipëri me datë 21 – 22 Qeshor 2018.
Kjo konferencë i dedikohet zhvillimeve ekonomike, politike dhe sociale që po ndodhin sot në vendet e ballkanit perëndimor me qëllim për të rritur mundësit e ndërlidhjes, bashkëpunimit dhe krijimit të përbashkët rajonal mes studiuesve të ndryshëm. Gjithashtu kjo konferencë i dedikohet përmirësimit të cilësis së jetës të komuniteteve që jetojnë në vendet e ballkanit perëndimor përmes kryerjes së studimeve, hulumtimeve dhe kërkimeve shkencore të cilat propozojnë platforma dhe programe konkrete për çështjet e drejtësisë sociale dhe zhvillimit ekonomik në ballkanin perendimor.
Temat me interes ku mund të fokusoni punimin tuaj janë:
– Politikat Publike dhe Sociale
– Zhvillimi Qëndrueshëm Ekonomik
– E drejta Publike dhe Sociale
– Mirëqeverisja
– Kapitalizmi vs Barazia Sociale (komunizmi)
– Cilësia Ushqimore dhe Bujqësia
– Kujdesi Shëndetsor dhe Ekonomia
– Tregetia dhe Investimet
– Sistemi Financiar dhe Monetar
– Ekonomia dhe Shoqëria Dixhitale
– Punësimi, Edukimi dhe Barazia gjinore
– Siguria e Resurseve Natyrore dhe Mjedisit
Kjo konferencë është e vlefshme për pjesëmarrësit nga:
– Shqipëria
– Kosova
– Maqedonia
– Mali Zi
– Greqia
Kush mund të aplikoj?
– Studentet që studiojnë në fushat e mësipërme
– Të diplomuarit në fushat e mësipërme
– Kërkues dhe hulumtues në fushat e mësipërme
Si mund të aplikoni ?
Të interesuarit për t’u bërë pjesë e kësaj konference duhet të aplikojnë në linkun e mëposhtëm brenda datës 30 Janar 2018.
https://docs.google.com/
Në këtë formular kërkohet të saktësohen:
emrat – nga 2 deri në 3 persona;
titullin e temës që do përgatitet për në konferencë.
Dokumenti i formatuar sipas standardeve ( udhëzimet për formatin e punimit tuaj)
– Do ju dërgohet menjëherë pasi të jetë pranuar tema juaj e përzgjedhur për konferencën.
Kalendari i konferencës
– Do ju komunikohen nëpërmjet E-mail së bashku me çdo njoftim apo informacion rreth konferencës dhe punimit tuaj.
Politikat e pagesës për pjesëmarrje
– Studentët: 1500Leke
– Të diplomuarit: 2000Leke
– Profesionistët: 2500Leke
* Pagesa është e njëjtë si për punimet individuale ashtu edhe për punimet në grup.
Në përfundim të kësaj konference pjesëmarrësit do të pajisen me çertifikata, punimi tyre do të botohet në librin Konferenca e I – Drejtësia Sociale dhe Zhvillimi Ekonomik në Ballkanin Perëndimor, si dhe gjatë konferencës do vlerësohen 3 punimet me të mira me cmimet respektive.
Formula e vlerësimit të 3 punimeve më të mira.
– 50% e vlerësimit do bëhet nga pjesëmarrësit e konferencës
– 50% e vlerësimit do bëhet nga të ftuarit profesionist të studimeve shkencore ( pedagoge, studiues, kërkues)
Afati aplikimit: 30 Janar 2018
