Beti nga Botimet Living

Përmbledhja me tregime të zgjedhura nga autorë të shquar, si: Alice Munro, Margaret Atwood, Joyce Carol Oates dhe Hart Wegner, synon të sjellë në vëmendjen e lexuesit një letërsi cilësore. Një ndër elementet më të rëndësishme që i bashkon këta autorë në një vepër të vetme, është fakti që të gjitha historitë mund të konsiderohen si “fëmijë të Çehovit”. Detajet për çdo personazh janë ndërtuar me po aq kujdes sa edhe ngjarjet që i rrethojnë ata, e megjithatë, përtej një realizmi të tillë, gjithkush mund të rrokë kuptimin e vërtetë të jetës. Jeta e njerëzve të zakonshëm është pasuruar me imazhe dhe simbolika të jashtëzakonshme.