Çmimi ndërkombëtar për shkrimtarët arabë për letërsinë ”fiction” nga fondacioni ”Booker” iu dorëzua libanezes Hoda Barakat për romanin e saj “Courrier de nuit”.
Fituesja e çmimit do të shpërblehet me 50 000 dollarë dhe gjashtë autorët e tjerë të përzgjedhur që morën pjesë në garë do të marrin secili 10 000 dollarë.
Çmimi i edicionit të 12-të të ”Booker”-it arab u shpall gjatë një ceremonie të kryesuar nga një juri kritikësh arabë.
I krijuar në Abu Dabi në 2007, çmimi mbështetet nga fondacioni i ”Booker Prize” në Londër dhe financohet nga Autoriteti i Turizmit dhe i Kulturës së Abu Dabit.
E lindur në Bejrut, Hoda Barakat jeton në Paris dhe ka publikuar disa romane përfshirë ‘”La Pierre du rire”’’ dhe “Mon maître, mon amour”.
”Booker”-i arab shpalli fitues romanin e saj të gjashtë “Courrier de nuit”,’’ i përkthyer në frëngjisht dhe i publikuar nga ”Actes Sud’’.
