Ashtu si çdo organ në trupin tonë, edhe sytë janë të përbërë nga muskuj, të cilët duhet të ‘stërviten’ vazhdimisht në mënyrë për të funksionuar më së miri.
Për të mirëmbajtur këta muskuj dhe lehtësuar shikimin, përpiquni që mos t’i tejlodhni sytë gjatë ditës. Mbajini mbyllur sytë për disa minuta, duke e përsëritur këtë veprim çdo 2-3 orë.
Nëse përdorni syze, mundohuni që mos t’i mbani shumë veshur gjatë ditës dhe të përfitoni nga rastet kur nuk ju nevojiten për t’i hequr ato. Po ashtu, teksa jeni duke shëtitur, përpiquni që shikimin ta drejtoni në një pikë më të largët, pra duke mos e mbajtur vetëm tek hapësira më e afërt përballë jush.
Lëngu i karrotës rekomandohet shumë për përmirësimin e shikimit dhe pirja e tij çdo ditë sjell një efekt mjaft të mirë. I ndjeni sytë të lodhur? Shplajini ata me ujë të ngrohtë!
E fundit, por jo më pak e rëndësishmja, përpiquni që mos të qëndroni shumë kohë para kompjuterit, ekranit të TV apo telefonit dy orë përpara se të shkoni të flini.
