Art & Kulturë

VIDEO/ Ndërtesa e veçantë që krijon muzikë në shi

Një shtëpi me një arkitekturë mjaft të veçantë që krijon muzikë teksa bie shi, është vendosur në rrethin studentor të Dresden në Gjermaninë lindore.

Pjesë e kompleksit Kunsthofpassage Neustadt, ajo përbëhet prej pesë oborreve, ku secili prej tyre ka një temë të ndryshme: Oborri i dritës, oborri i kafshëve dhe oborri i muzikës.

Skulptorja Annette Paul dhe dizenjatorët Christoph Roßner & André Tempel janë krijuesit e kësaj “shtëpie muzike”, ku jetojnë edhe vet në këtë ndërtesë. Annete është frymëzuar nga jetesa në Shën Petersburg, Rusi për të krijuar këtë vepër arkitekturore. “Moti i keq krijonte një teatër shiu në dritaret e shtëpisë time dhe tejçonte një melodi të këndshme”, ka thënë Annette.

Së bashku me qytetarët, ata krijuan rrjetin e ndërlikuar të gypave, tubave dhe kanaleve me akustikë optimale për të përforcuar zhurmën e shiut.

Që nga krijimi i tij në vitin 1999, kjo ndërtesë ka tërhequr mjaft turistë, të cilët vijnë për të dëgjuar nga afër këtë melodi sa të veçantë, aq edhe të çuditshme.

Dëgjojeni këtu:

Leave a reply

InfoKult jep informacion 360 gradë për të kaluar kohën e lirë sa i takon artit, kulturës dhe turizmit (në kuptimin e destinacioneve turistike).