Kryetari i Bashkisë së Tiranës, Erion Veliaj, ka folur mbi teatrin e ri Kombëtar, një çështje e disktuar shumë kohët e fundit, teksa ishte i ftuar tek emisioni Opinion.
Sipas Veliaj, për të gjithë artdashësit dhe artistët, do të vihet në dispozicion një teatër me një sipërfaqe 3 herë më e madhe se teatri i sotshëm.
“Di të të them që sot teatri ka 3000 metra katrorë do ketë shumëfishin, minimalisht trefishin e territorit që ka sot. Teatri nuk ka kullë sipër dhe ky është një vendim territori, pra në territoret e teatrit”, është shprehur Veliaj.
Ndërkohë, pritet që teatri i ri të pajiset me black-box, salla më të vogla, salla alternative dhe shërbime shtesë.
