Një grup shkencëtarësh nga Universiteti Stanford në Amerikë kanë zhvilluar një program kompjuterik, ku sipas tyre, mund të parashikojë vdekjen e një pacienti.
Ky program përdor inteligjencën artificiale dhe efektshmëria e tij ështe testuar mbi 160.000 pacientë me sëmundje të rënda. Sipas studiuesëve, niveli i saktësisë së këtij programi arrin deri në 90%.
Ai funksionon duke parë dosjen mjekësore të secilit pacient, ku përfshihen diagnoza e dhënë, barnat që po i jepen dhe operacionet që mund t’i jetë nënshtruar e më pas arrin në rezultatin përfundimtar.
“Numri i të dhënave që mblidhen nga ky program na lejon neve që të bëjmë një skicë parashikuese mbi kauzat e vdekjes së një personi.”-, ka deklaruar Anand Avati, një prej pjestarëve të këtij grupi shkencëtarësh.
Ndërkohë, studiuesët janë shprehur se do të shtojnë edhe disa informacione e detaje të tjera që ky program duhet të thithi nga çdo pacient, para se të fillojë të shërbejë në ndihmë të spitaleve e doktorëve.
