Ditën e djeshme, Mark Zuckerberg, CEO i Facebook, ka prezantuar në konferencën vjetore “F8”, disa risi që do të vijnë në gjigandin Facebook.
Një prej opsioneve më të reja dhe më të përfolura që ai prezantoi gjatë kësaj konference, ishte “Dating”, i cili do të shërbejë si një aplikacion ku njerëzit mund të njihen me njëri-tjetrin.
“Janë 200 milion njerëz aktualisht në Facebook që e listojnë veten si beqar. Ne e kemi ndërtuar këtë aplikacion duke patur parasysh privatësinë dhe sigurinë e të dhënave”, ka deklaruar Zuckerberg.
Që prej momentit që u bë e ditur lançimi i këtij app-i, aksionet e Match Group, që ka në pronësi aplikacionin e famshëm për takime “Tinder”, kanë rënë me 23 %.
