Art & Kulturë

Mënyra më e thjeshtë për të bërë puding me çokollatë

Pudingu me çokollatë është një ndër ëmbëlsirat që përgatitet shumë shpejt dhe ka një shije fantastike.

Përbërësit

1 kokërr vezë
2 gota qumësht
1 filxhan çaji sheqer
pak kripë
1/2 filxhan çaji kakao
1 lugë gjelle niseshte
1 bustinë pluhur vanilje

Përgatitja

1. Në fillim rrihni vezët në një tas.

2. Në një tigan shtoni 1 gotë qumësht, gjysmën e sheqerit dhe lëreni të ziejë.

3. Në një tas tjetër përzieni sheqerin e mbetur, niseshten dhe kakaon. Këtë masë shtojeni tek pjesa e mbetur e qumështit dhe përziejeni derisa të jetë tretur.

4. Më pas vendoseni të ziejë dhe vazhdoni të përzieni derisa masa të jetë trashur.

5. Lëreni të ziejë për 2 minuta, dhe shtoni vezën e rrahur derisa të jenë homogjenizuar. Përzierjen lëreni të ziejë dhe për 2 minuta.

6. Shtoni vaniljen. Fikni zjarrin dhe pudingun e nxehtë hidheni në tasa të vegjël dhe lëreni të ftohet në frigorifer për 1 orë.

InfoKult jep informacion 360 gradë për të kaluar kohën e lirë sa i takon artit, kulturës dhe turizmit (në kuptimin e destinacioneve turistike).