Në kuadër të takimeve që organizon Muzeu Kombëtar “Gjethi” për diskutimin rreth figurave të rëndësishme të persekutuara gjatë regjimit komunist, të martën fokusi do të bie mbi Lec Kurtin.
Në ambientet e muzeut do të zhvillohet një diskutim mbi këtë figurë të ndaluar nga diktatura, i cili ishte një kompozitor, diplomat dhe politikan shqiptar që u cilësua si “armik i popullit”.
Kështu, qeveria komuniste e ndaloi çdokënd që të fliste mbi Lec Kurtin gjatë viteve 1945-1990, duke e lënë të gjithë kontributin e tij në harresë të plotë.
Nëpërmjet këtij diskutimi, që do të mbahet më 3 prill, ora 13:00 tek ky muze, do të përkujtohet diplomati i ‘ndaluar’, duke u njohur me të gjitha dimensionet e punës së tij: kompozimet, puna si diplomat e politikan.
Në panelin e diskutimit janë Etleva Demollari, drejtoresha e Muzeut Kombëtar “Gjethi”, historiani Prof. Uran Butka dhe muzikologia Fjoralba Sukulli.
