Bashkia Korçë, fton të gjithë artdashësit e këtij qyteti, për të ndjekur sot në skenën e teatrit “Andon Zako ÇAJUPI” veprën “Kopshti i Qershive” të autorit të madh Çehov.
”Ju ftojmë të shijoni një vepër të mrekullueshme në teatrin e Korçës, sjellë në skenë nga një autor i madh si Çehov”, thuhet në njoftimin e bashkisë Korçë.
“Kopshti i Qershive”, një projekt i bukur teatror mes humorit e dramës që mbart vepra, do të vihet në skenën e teatrit “A.Z ÇAJUPI” nga regjisori i njohur Dino Mustafic, me muzikën e mrekullueshme të kompozitorit korçar Endri Sina dhe koreografi nga Gjergj Prevazi.
