Statistikat e nxjerra nga Autoriteti i Komunikimeve Elektronike dhe Postare, kanë evidentuar se 2.16 milionë konsumatorë nga 2.9 milionë banorë gjithsej në vend, kanë akses në internet 3G dhe 4G nga aparatet celularë.
Tregu i internetit po rritet edhe në shërbimet fikse, ku numri i pajtimtarëve në mesin e këtij viti, arriti në afro 288 mijë, një rritje me 3% gjatë tremujorit të tretë dhe afro 10% krahasuar me të njëjtën periudhë të një viti më parë.
Gjithashtu, AKEP ka njoftuar edhe rreth rritjes që ka pësuar segmenti i përdoruesve me shërbime të integruara: Internet, telefon e televizion.
Numri i abonentëve që marrin të treja këto shërbime njëkohësisht, ka arritur në 98 mijë, një rritje vjetore me 23%.
