SHEND E VERË – Kalendari i Aktiviteteve Verore
“Kinotreshi / Filma në shesh” – 7 Qershor, ora 20:00, Sheshi “Shtraus”
Ditën e Mërkurë, 7 Qershor Ora 20:00, ju presim për të shijuar filmin “Gangsteri i Vogël” me regji të Arne Toonen.
“Gangsteri i Vogël” tregon historinë e Rick Boskamp, i cili është i lodhur nga të qenurit objekt i përditshëm i talljeve nga shokët e tij të klasës. Kur Rick dhe familja e tij shpërngulen në një qytet tjetër, për të shmangur ngacmimet nga shokët e rinj të klasës, ai shkon deri tek idea t’i mashtrojë se babai i tij është një bos i rëndësishëm dhe i rrezikshëm mafioz. Të gjithë shokët e tij të klasës dhe fqinjët në lagje respektojnë Rick-un dhe babain e tij, deri sa shfaqet banditi nga e kaluara e tij…
Vazhdimin ejani ta ndjekim së bashku te Sheshi “Shtraus”.
