Çfarë janë hapësirat e lira? A ka patur dhe a ka të tilla në Tiranë? Çfarë ndodh dhe çfarë ka ndodhur me këto hapësira? A është liria një mundësi apo një pengesë? Projekti “Freiraum” kërkon përgjigjet në tre drejtime: në fotografi, në muzikë dhe në fjalë.
Anjeza Hoxha është një fotografe në kërkim të lirisë në ndërtesat dhe hapësirat publike të Tiranës. Ndërkohë që këto përplasen me nevojat e tregut fotografja kërkon një dialog mes kohëve dhe brezave i cili mungonte deri më tani. Ekspozita na njeh me vende ku liria ose mungesa e saj është negociuar në mënyra të ndryshme. Kompozitori Fatos Qerimi i përkushtohet temës si muzikant. I frymëzuar nga pyetja nëse liria është një mundësi apo një barrë kompozimi i tij gërsheton elementë tradicionalë të muzikës dhe performohet nga një ansambël i ri prej 13 muzikantësh. Në panel urbanisti Karsten Schulz dhe shkrimtari Arian Leka do të shtrojnë pyetje dhe do t’u përgjigjen pyetjeve të publikut në formë diskutimi.
