Korça mirëpriti mbrëmjen e djeshme natën e parë të Festës së Birrës, eventi më i madh festiv veror.
Në mbrëmjen e parë të Festës së Birrës pjesëmarrësit e shumtë në Pazarin e Vjetër shijuan një atmosferë festive duke u argëtuar nën ritmet e muzikës me njëri-tjetrin dhe duke shijuar gatimet tradicionale nën trokitjen e gotave të birrës.
Gjatë pesë netëve festive publiku do shijoj në 2 skena, emrat më në zë të muzikës dhe shumë surpriza.
Gjatë ditës pjesëmarrësit mund të vizitojnë atraksionet e qytetit ndërsa në mbrëmje ata do shijojnë festën te Pazari i Vjetër dhe sheshi para stadiumit “Skënderbeu”.
Festa e Birrës, e kthyer tashmë në traditë, është një ngjarje mjaft e rëndësishme përsa i përket tërheqjes së vizitorëve, ndërsa nga viti në vit ka promovuar dhe përforcuar imazhin turistik të rajonit.
Festivali është nderuar me çmimin e Turizmit nga Ministria e Kulturës në vitin 2010, për shkak të influencës që pati në rritjen e numrit të turistëve në rajon.
