Në bashkëpunim me Ambasadën e Republikës Popullore të Kinës, Qendra për Hapje dhe Dialog, në Kryeministri u hap ekspozita “Beyond Memories” (Përtej Kujtimeve).
Ekspozita e rrallë, e cila u hap në kuadër të aktiviteteve që po zhvillohen në Tiranë me rastin e 70-vjetorit të vendosjes së marrëdhënieve Shqipëri-Kinë, do të ofrojë për publikun një koleksion pullash përkujtimore të lëshuara nga Posta Shqiptare në periudhën 1968-2009.
““Përtej Kujtimeve” ekspozita me rastin e 70-vjetorit të marrëdhënieve Shqipëri-Kinë. Ekspozohen një koleksion pullash përkujtimore me tematikë Kinën, të lëshuara nga Posta Shqiptare përgjatë viteve 1968-2009, gjithashtu dhe vepra tradicionale artistike nga qyteti Nanjing, Kinë,” shprehet Qendra për Hapje dhe Dialog.
Ekspozita do të qëndrojë e hapur deri në datën 29 nëntor.
