Artistja kosovare Arjeta Miftari sjell ekspozitën “Rrugëtim”

Ekspozita “Rrugëtim” vjen përmes punimeve në skulpturë realizuar nga artistja Arjeta Miftari. Ekspozita që u çel në Muzeun Historik Kombëtar është me skulptura të hyjneshave në fron, simboli më i rëndësishëm i artefakteve me të cilat prezantohet trashëgimia kulturore e Kosovës. Ekspozita ka filluar rrugën e saj me Prishtinën, për të vazhduar në Berlin, në Francë dhe së fundi vjen në Tiranë. Artistja Miftari tregon se hyjneshat janë të gjitha punë të reja të bëra gjatë dy muajve të fundit për t’u prezantuar në Tiranë.