“Marrowbone” është një film i zhanrit horror, me regji të Sergio Sanchez, i cili do të shfaqet në kinematë Millenium, Cineplexx dhe Imperial më datën 11 janar.
Ky film trajton historinë e një djali të ri, i cili së bashku me katër motrat dhe vëllezërit e tij, kanë ruajtur sekretin e vdekjes së nënës së tyre, në mënyrë që të qëndrojnë së bashku. Megjithatë, gjithçka do të ndryshojë kur ata fillojnë të përndiqen dhe torturohen nga një prezencë e ligë që shfaqet në shtëpinë ku ata jetojnë.
Trailer i “Marrowbone” :
“Santa Wrap – Merry Christmas Mr. Andersen” është përralla klasike e Alf Proysen, rreth historisë së marangozit që dashuron Krishtlindjet, i cili përpiqet t’i bëjë tre fëmijët e tij të besojnë tek plaku i vitit të ri, kur ai ndërron vendet me të në vigjilje të Krishtlindjeve për ta bërë festën e veçantë.
Ky film i zhanrit familjar dhe aventurë do të shfaqet në 11 janar tek kinema Cineplexx.
Trailer i “Santa Wrap – Merry Christmas Mr. Andersen” :
https://www.youtube.com/watch?v=qzLkLaTTpNE
Ndërkohë, vazhdojnë shfaqjen në të treja kinematë, filmat: “Ferdinand”; “Jumanji: Welcome to The Jungle”; “The Greatest Showmen”; “Molly’s Game”; dhe vetëm tek Cineplexx: “Madame”; “Father Figures”; “Daddy’s Home 2”; “Murder on The Orient Express”.
