“Një libër i veçantë, interesant, me një udhëtim fantastiko-historik e imagjinativ në kohë e hapësirë, në një tretje kohësh e hapësirash të së sotmes me të shkuarën referuese, duke e populluar me personazhe të trilluara, por që i korrespondojnë personave apo dukurive historiko-shoqërore që iu referohen. Gërshetimi i kohëve nga e shkuara në të tashmen, apo anasjelltas, është bërë me një racionalitet e funksionalitet për t’u admiruar, duke nxjerrë mesazhe të rëndësishme e të vlefshme për këdo.”
Fragment nga libri:
… “Të gjithë luftojmë për t’i dhënë kuptim ‘të gjalluarit’. Si udhëtarë të rrjedhës së kohës, mundohemi t’i japim një kuptim ekzistencës sonë. Luftojmë për të qenë protagonistë të epokës në të cilën jetojmë, në mënyrë që ekzistenca jonë të ndikojë sadopak në rrjedhën e jetës.”…
