Gjatë mbrëmjes së djeshme në hapësirat e Librarisë së Çarshisë në Shkup filloi festivali i parë shqiptar i llojit “Stand-Up Comedy”, që pasqyron një faqe të re dhe thyen rutinën e zakonshme.
Ky festival, i cili do të vazhdojë deri më 23 shkurt, u mbështet nga Ministria maqedonase e Kulturës dhe u organizua nga aktori Visar Etemi dhe Besfort Dulatahu.
Aktorë të ndryshëm nga Maqedonia, Kosova dhe Shqipëria argëtuan publikun shqiptar dhe festivali në tërësi dhuroi spektakël.
Hapjen e festivalit e bëri sekretari Shtetëror i Ministrisë së Kulturës në Republikën e Maqedonisë, Valmir Aziri, i cili përgëzoi nismëtarët dhe ideatorët e festivalit duke u uruar suksese në të ardhmen.
Pas përfundimit të performancës së aktorëve, Aziri shprehu mirënjohje për aktorët nga Maqedonia, Kosova e Shqipëria.
