Ministria e Kulturës i ka dhënë leje komunës së Ulqinit që të vendosë shtatoren e heroit Kombëtar, Gjergj Kastriot Skënderbeut në këtë qytet.
Shtatorja e Skënderbeut që parashihet të vendoset në bulevardin me emrin e njëjtë në Ulqin, do të jetë e gjatësisë 1.5 metra e vendosur në një bazament prej 3.5 metrash.
Afati për vendosjen e shtatores është muaji mars i këtij viti, derisa fondet për ndërtimin e shtatores janë siguruar nga shoqatat “Simon Filipaj“ dhe “Don Gjon Buzuku”.
