Art & Kulturë

Audicione në Teatrin Metropol

Teatri Metropol shpall audicion në dt. 18 Shtator, ora 18:00 për rolet në shfaqjen “Sherlok Holms dhe Langoi i Baskervillëve”, e cila do të vihet në skenë në Dhjetor nën regjinë e Shkëlzen Berishës.
——
“Sherlok Holms dhe Langoi i Baskervillëve” është një adaptim i shkëlqyer meta-teatral i një prej aventurave më të famshme klasike të detektivit më të njohur që ka prodhuar letërsia botërore.
——
Vepra, si zhanër i vet-referencuar konvencional, ngërthen brenda një historie klasike një larmi formash (pantomimë, farsë, parodi, etj) dhe teknikash vizualo-skenike, duke krijuar një tërësi dramatike të ngjeshur, me ndryshime frantike skenash dhe me ritëm jashtëzakonisht të shpejtë humori. Për më tepër, si sfidë dhe njëkohësisht gudulisje për çdo aktor, e tërë kjo është e vënë mbi supet e vetëm 5 aktorëve, të cilët do të portretizojnë afër 40 role.
——
Aktorët e interesuar duhet të jenë nga mosha 20-45 vjec, nga të cilët do të kërkohet për të interpretuar një material të shkurtër 2-3 minutësh (monolog, etyd plastik, etj). Vëmendje e posaçme do t’i kushtohet aftësisë së transformimit dhe adaptimit në rrethana të ndryshme.

Leave a reply

InfoKult jep informacion 360 gradë për të kaluar kohën e lirë sa i takon artit, kulturës dhe turizmit (në kuptimin e destinacioneve turistike).