Art & Kulturë

Agim Sulaj çel edicionin e gjashtë të ekspozitës “Rrënjët”

18:00, 2 Dhjetor, Hotel Plaza, kati i tretë

Artisti Agim Sulaj hap për të gjashtin vit rradhazi ekspozitën “Rrënjët.” Pikërisht ky event e rikthen Sulajn në Tiranë vit pas viti. Edicioni i 2021 do të mbahet në katin e tretë të Hotel Plaza, ditën e nesërme (2 dhjetor) në orën 18:00. Çelja duhej të bëhej sot (1 dhjetor), por prej një situate të paparashikuar, u shty për ditën e enjte. Ekspozita do të qëndrojë e hapur deri më datë 10 dhjetor.

Veprat e përzgjedhura mbulojnë një fashë të gjerë tematikash duke nisur nga lufta e Vlorës e deri te pandemia globale. “Në këtë ekspozitë janë rreth 40 punime dhe shumica prezantohen për herë të parë, janë punë të viteve të fundit”, thotë Sulaj.

InfoKult jep informacion 360 gradë për të kaluar kohën e lirë sa i takon artit, kulturës dhe turizmit (në kuptimin e destinacioneve turistike).