Metro Fest – Teatri “Burka e Medeas”

• “Burka e Medeas” (3, 4, 5, 6 tetor), me autor Andreas Flourakis dhe regji nga Kyriaki Spanou.
• “Doktor Gjilpëra” (17, 18, 19, 20 tetor), me autor Faik Konica dhe regji nga Klodian Çelmeta.

“Burka e Medeas” (3-5 tetor) nga Andreas Flourakis, një histori që trazon dhe ngre pyetje të thella mbi identitetin dhe fatin e një gruaje. Medea, e mitizuar si përbindësh, shfaqet si një e huaj moderne nga Lindja e Mesme, duke na rrëfyer jetën e saj me dashuri dhe lamtumirën e dhimbshme ndaj fëmijëve të saj. 

Një performancë me një aktore, tre valixhe, dhe një mikrofon, ku Medea zbulon maskat që ka mbajtur gjatë jetës së saj. Një rrugëtim dramatik që e sfidon të zgjedhë nëse do të mbahet mend si përbindësh apo si një grua që refuzon të përjetësojë mitin e dhimbjes. 

“Burka është lëkura” është pyetja qendrore e veprës, duke na bërë të reflektojmë mbi presionet e shoqërisë për të hequr dorë nga identiteti i vërtetë. A është e mundur të ndryshojmë fatin tonë dhe të zgjedhim rrugën që duam? 

Autor: Andreas Flourakis
Regjisore: Kyriaki D. Spanou 
Aktore në rolin e Medesë: Marsela Lena 
Kompozitori – Fonia: Aleksandros Tsionas 
Skenografia / Ndriçimi: Zoi Moluvda Fameli 
Kostumet: Martha Foka 

Për më shumë informacione, vizitoni faqen zyrtare të teatrit në: teatrimetropol.al.