WhatsApp nuk do të funksionojë më për këto sisteme operimi celularësh

 

WhatsApp ka vendosur se duke filluar nga data 31 dhjetor, nuk do t’i ofrojë më shërbimin e tij sistemeve të vjetra operative. Nga ky vendim preken Blackberry Os & Blackberry 10, si edhe Windows Phone 8.0.

Ky aplikacion do të vazhdoj të përdoret nga përdoruesit e këtyre celularëve, por ata do ta kenë të pamundur që të krijojnë llogari të reja whatsapp-i apo të rikonfigurojnë llogaritë ekzistuese.

Gjithashtu, WhatsApp ka lajmëruar se aplikacioni i tij mund të dal nga funksionimi në çdo kohë tek këto sisteme, duke i bërë thirrje Windows & Blackberry të përditësojnë sistemin e tyre operativ.

Arsyeja e këtij ndryshimi erdhi pas disa keqfunksionimeve që WhatsApp ka pasur në këto telefona, të cilët nuk i suportonin dot përditësimet e reja të tij. Ndërkohë, për përdoruesit e Windows Phone 8.1 dhe lart, ai do të vazhdoj të funksionojë.