Visar Mulliqi sjell ekspozitën ‘100% Original’

Artisti Visar Mulliqi do të hapë ekspozitën e tij të radhës në Galerinë e Fakultetit të Arteve. Ekspozita e titulluar “100% Original” është kuruar nga Zeni Ballazhi.

“Pikturat e Visar Mulliqit plotësojnë lidhshmërinë tek njëra-tjetra, sigurojnë një dimension ekspresionist,e që ngrit shikueshmërinë dhe kënaqësinë tek publiku. Këto piktura për nga vlerat e tyre, justifikojnë plotësisht interesimin dhe vlerësimin e lartë të profesionistëve dhe artdashësve të shumtë, si dhe nga vetë piktori i cili i koncepton si “100% Origjinale”.

Kjo ekspozitë do të hapet më 26 prill në ora 19:00, në Galerinë e Fakultetit të Arteve në Prishtinë.