Këto ditë është publikuar një video promocionale e qytetit të Mitrovicës në Kosovë, qëllimi i së cilës është përmirësimi i imazhit të këtij qyteti kontravers në nivel kombëtar dhe ndërkombëtar.
Ky klip është realizuar nëpërmjet platformës online Mitrovicaguide.com dhe me mbështetje nga qyteti, të cilat synonojnë që të rrisin nivelin e promovimit të potencialeve dhe anëve pozitive në qytetin e Mitrovicës dhe rrethinat e saj. Vidioja është shpërndarë në mediat sociale e youtube dhe pritet të transmetohet edhe në tv.
Në kuadër të projektit “Promovimi i turizmit dhe trashëgimisë kulturore në regjionin e Mitrovicës”, janë realizuar edhe harta orientuese turistike, si dhe katalogu me fotografitë më të bukura të realizuara gjatë vitit të kaluar.