Në një artikull të shkruar nga britanikja “The Telegraph”, ku listoheshin 10 qytetet më të prekura nga rrezet e diellit në Evropë, Tirana është vendosur në vend të tetë.
Qytetet britanike janë ndër vendet më pak të ndri*uara në Evropë dhe për këtë arsye, lexuesve britanikë u rekomandohen disa qytete evropiane për t’u relaksuar nën rrezet e diellit.
Rezultatet janë marrë nga website “Current Results”, ku mbi informacionet e të cilit, është bërë një listë me 10 destinacionet që kanë më shumë orë dielli në vit. Malta renditet në vendin e parë me 2957 orë diell në vit, ndërsa Tirana është vendosur në vend të tetë.
Në artikull theksohet se duke patur parasysh hendekun e madh mes paundit dhe euros, tani është koha e duhur që anglezët të vizitojnë vendet e Evropës pa shpenzuar shumë para.
10 qytetet më me diell në Evropë
Valeta, Maltë – 2 957 (orë diell në vit)
Marsejë, Francë – 2 858
Lisbonë, Portugali – 2 799
Madrid, Spanjë – 2 769
Athinë, Greqi – 2 771
Nisë, Francë – 2 724
Monako – 2 724
Tiranë, Shqipëri – 2 544
Barcelona, Spanjë – 2 524
Podgorica, Mali i Zi – 2 480