Shpalosen objektivat e Teatrit Kombëtar Eksperimental për 2018

Viti 2017 korri sukses për Teatrin Eksperimental, i cili gjatë këtij viti u pajis me një sallë më shumë, më intime, ku publiku shijon shfaqjen në shumë dimensione.

Numri i shfaqjeve teatrale për vitin e shkuar është rritur, edhe si pasojë e komoditeteve të ambienteve, të ngrohta në dimër e të freskëta në verë.

Duke i shtuar edhe çmimet modeste, ku fëmijët mund të shikojnë një vepër për vetëm 100 lekë, ky teatër është vizituar nga shumë njerëz këtë vit.

Gjatë vitit 2018, shumë projekte artistike do të prezantohen për publikun. Kiço Londo, drejtuesi i Teatrit Eksperimental, ka premtuar se gjatë muajve të parë të vitit do të hapet një skenë tjetër, “Fan Noli”, në të cilën do të zhvillohen shumë shfaqje të tjera.

Kjo do të jetë ndër objektivat kryesorë të Teatrit, që pritet të tërheqë një numër akoma edhe më të madh shikuesish këtë vit të ri.