Çdo ditë e më shumë, Muzeu Historik Kombëtar po vizitohet nga më shumë persona, por edhe personalitete botërore, të cilët janë të interesuar të njihen më nga afër me të kaluarën e Shqipërisë.
Më 17 prill, Princesha e Tajlandës, Maja Çakri Sirindon, vizitoi ambientet e Muzeut Historik, e shoqëruar nga drejtori i këtij institucioni, Dorian Koçi.
Gjatë kësaj vizite, ajo u njoh më nga afër me historinë e popullit shqiptar, duke u nisur që nga pavijoni i antikitetit e deri në periudhën e regjimit komunist. Princesha u shpreh entuziaste për vizitën e saj në këtë vend dhe shprehu vlerësimin e saj për historinë e popullit shqiptar, duke premtuar se një ditë do të rikthehet sërish për të bërë një tjetër tur nëpër këto mure.