Pas 20 vitesh vonesë vjen filmi bazuar tek Don Kishoti, “The Man Who Killed Don Quixote”

Duket se pritja e gjatë e regjisorit Terry Gilliam ka marrë fund. Traileri i parë mbi filmin e tij “The Man Who Killed Don Quixote”, që supozohej të kishte dalë që para 18 vitesh, është lançuar këto ditë.

Adaptuar nga novela e famshme e Servantes “Don Kishoti i Mançës”, Gilliam është përpjekur që ta prodhojë këtë film që prej vitit 2000, por sëmundjet e aktorëve, vonesat në regjistrim, e kanë bërë të pamundur më parë prodhimin e tij.

Tashmë, regjisori ka publikuar trailerin e parë të filmit të shumëpritur, që do të shfaqet premierë diku nga viti 2018, pasi një datë e caktuar nuk është vendosur ende si pasojë e një mosmarrëveshje që ka me një ish-producent të filmit, Paulo Branco.

Related image

Megjithatë, nëse po prisni që të shikoni të portretizuar me detaje ngjarjet që ndodhin në libër, atëherë mos shpresoni shumë. Jonathan Pryce luan rolin e një burri të çmendur, i cili mendon se është Don Kishoti dhe Adam Driver portretizon një agjent reklamash, që personazhi i Pryce beson se është fshatari i tij besnik, Sancho Panza.

Image result for The Man Who Killed Don Quixote
Terry Gilliam me aktorin Pryce

Përgjatë filmit, “Kishoti” do të përpiqet që të rikthejë kohën e humbur të kalorësisë dhe do të ndeshet me disa mullinj ere që i dalin rrugës. Filmi do të rrotullohet në dy periudha të ndryshme kohore, duke eksploruar ngjarjet në ditët e sotme, por edhe kohërat në shekullin e 17-të.

Image result for The Man Who Killed Don Quixote
Adam Driver

Të qeshura pa fund, situata komike dhe psikologjike, do të jenë epiqendrat që do të mbizotërojnë në këtë film. Le të shpresojmë që “mallkimi i Don Kishotit” të mbarojë dhe filmi të dali në kinema.

Trailer:

Vendos një përgjigje

Ju lutemi të vendosni komentin tuaj !
Ju lutemi të vendosni emrin tuaj