Njihuni me personin më të pasur në botë!

Jeff Bezos

Jeff Bezos, pronari i kompanisë Amazon, është zyrtarisht njeriu më i pasur i të gjitha kohërave!

Të ardhurat neto të drejtuesit të Amazon arritën të hënën shifrën prej 105.1 miliard dollar, duke thyer rekordin e vendosur më parë nga Bill Gates.

Sipas revistës Forbes & Bloomberg, të cilat ndjekin nivelin e pasurive të VIP-ave, pasuria e Jeff vjen nga aksionet që ai zotëron në Amazon, të cilat vlejnë 78.9 milion dollar. Këto aksione u rritën me 1.4 % të hënën, duke shtuar 1.4 miliard dollar në llogarinë e tij.

Jeff Bezos u bë njeriu më i pasur në planet gjatë korrikut, kur kaloi pronarin e Microsoft, Bill Gates, dhe e vendosi atë në vend të dytë të kësaj liste.

Të ardhurat neto të Bill Gates llogariten në 93.3 miliard dollar. Sipas Forbes, themeluesi i Microsoft do të ishte më i pasur se Jeff, nëse nuk do të kontribuonte shuma të mëdha për bamirësi.