Një kukull Barbie inspiruar nga ikona e modës 96 vjeçare

Iris Apfel, biznesmenja dhe modelja 96 vjeçe, e njohur për stilin e saj ekstravagant, është kthyer në një kukull Barbie.

Kompania Mattel ka dizenjuar kukullin Barbie sipas pamjes së Iris, e cila është e vetmja e llojit të saj.

“Karriera e saj e suksesshme dhe e gjatë e bën Apfel subjektin perfekt për këtë kukull kaq të veçantë”, është shprehur një zëdhënës i Mattel.

Image result for Iris Apfel
Iris në të djathtë

Kukulla Barbie mban veshur të njëjtin kostum të shndritshëm jeshil nga Gucci dhe bizhuteritë me të cilat është shfaqur Apfel në kopertinën e librit të saj më të fundit “Aksidentalisht Ikonë”.

Po ashtu, kukulla mban veshur syzet e rrumbullakta të Iris, por duket se prodhuesit kanë preferuar të shfaqin një fytyrë pa rrudha, duke qëndruar tek standartet joreale që kukullat Barbie kanë vendosur ndër vite.

Image result for Iris Apfel accidental icon

Megjithatë, kohët e fundit kompania Mattel ka dizenjuar disa kukulla të cilat forcojnë figurën e femrës. Kështu, më 8 mars, në Ditën Ndërkombëtare të Grave, kjo markë lançoi koleksionin“Sheroes”, i cili përmban versionet e kukullave të modeles Ashley Graham, balerinës Misty Copeland dhe artistes Frida Kahlo.