Këngëtari i njohur zhvillon koncert bamirësie për fëmijët me kancer në Tiranë

Want create site? Find Free WordPress Themes and plugins.

Pas koncerteve humantare në Prishtinë dhe Londër, Shpat Deda vjen në kryeqytet këtë të shtunë, 16 dhjetor, ku do të këndoj për të mbledhur fonde për fëmijët e sëmurë me kancer.

Këngëtari kosovar do të performojë tek Tulla – Culture Center në Tiranë dhe të gjitha të ardhurat e mbledhura gjatë këtij koncerti, do të shkojnë për fondacionin “Kujdesi për Fëmijët e Kosovës”, i cili kujdeset që të gjithë fëmijët të kenë ilaçet e nevojshme dhe të domosdoshme për trajtim.

Të gjitha fondet që do të mblidhen gjatë kësaj mbrëmje dhe ato që janë grumbulluar në dy netët e mëparshme, do të dyfishohen nga Banka Europiane për Rindërtim dhe Zhvillim, në kuadër të programit të saj “Community Initiative”. Gjithashtu, pasi të përmbushen kriteret raportuese, vlera e saj do të dyfishohet deri në shumën maksimale prej 50.000 eurosh.

Ky koncert është një nismë e stafit të BERZH në Prishtinë, Tiranë dhe Londër, mbështetur nga Tulla – Culture Center, Grand Hotel dhe SPA Tirana. Ai nis në orën 21:00 dhe minimumi i donacionit është 1000 Lekë.

Did you find apk for android? You can find new Free Android Games and apps.