Këngëtari i njohur italian do të performojë në Festivalin e Këngës në RTSH

Organizatorët e Festivalit të 56-të të Këngës, që do të mbahet në Radio Televizionin Shqiptar, kanë konfirmuar se kantautori italian Riccardo Cocciante, do të jetë pjesë e spektaklit.

Kjo nuk është hera e parë që Cocciante do të vizitoj Shqipërinë. Ai ka qenë për një vizitë zyrtare në vendin tonë në vitin 2013, së bashku me Elhaida Danin, të cilën e ka përkrahur shumë gjatë konkurrimit të saj në “The Voice of Italy”.

Këtë rradhë, ai rikthehet si i ftuari i nderit në Natën e Parë të Festivalit, ku do të performojë disa nga këngët e tij më të suksesshme.

Ndërkohë grupi i organizatorëve dhe i krijuesëve të festivalit, janë në momentet e fundit të përgatitjes. Festivali do të mbahet nga data 21 deri me 23 dhjetor në Pallatin të Kongreseve dhe do të moderohet nga Adi Krasta, me regji të Pali Kukës.