Takim me autorin Azem Qazimi

Want create site? Find Free WordPress Themes and plugins.

Qytetet e mi

Qytetet e ngazëllimit të parë,
të zymtësisë së pashoqe,
të l’ennui-së së muajve të gjatë të veljes,
qytete me qiej të ngritur kaq lart,
kaq larg prej njeriut.
I dua kishat tuaja,
ku heshtja befas shpërthen në lutje,
në lotë, në përgjëratë,
dhe kambanat e tyre,
që shpallin në qiell
një ndjesë a nëmë prej metali,
por edhe atë marri të lehtë
dhe ekstazën në buzët e atyre
që pandehin se ia kanë hedhur vdekjes.

Në sajë të projektit “Andrra”, mbështetur nga Ministria e Kulturës, grupi “Ata” organizon takimin letrar me autorin Azem Qazimi. “Psikagogjia” është libri i përzgjedhur për t’u trajtuar në takimin e datës 17 shtator, ora 18.00 te qendra rinore “Ata”.

Azem Qazimi ka lindur në 6 shkurt të vitit 1977.
Ai është poet, prozator dhe përkthyes.
Ka studiuar për gazetari dhe më vonë është profilizuar në studimet master në Antropologjinë Kulturore. Është autor i librave me poezi “Ajri i Kryqëzimit”, “Për dhuntinë e mahnitjes” dhe “Psikagogjia”, ndërsa në prozë ka dy përmbledhje me tregime “Të bekuarit, Sfera” dhe “Anatomi e shkurtër e pikëllimit”.

Data e takimi: 17 shtator
Ora: 18.00
Vendi: Qendra Rinore ATA, Kamëz
Stacioni i shkollës “Ibrahim Rugova”, pallati përbri postës shqiptare.
Për të gjithë ata që nisen nga Tirana, autobusat gjenden pranë Bibliotekës Kombëtare në çdo orë.

Did you find apk for android? You can find new Free Android Games and apps.