FOTO-VIDEO/ Një Mbrëmje Gala si ajo e Çmimeve Kult 2017! Ja kush janë fituesit

Mbrëmja Gala e Çmimeve Kult 2017, ashtu siç ishte premtuar, na rezervoi plot surpriza. Që nga tapeti i kuq e deri tek të ftuarit specialë në skenë dhe jo vetëm. Sigurisht e bukura e gjithë kësaj mbrëmjeje ishin fituesit, që të gjithë i njihnim.

Nën drejtimin e Leonard Bombaj dhe Vikena Kamenicës Mbrëmja Gala e Çmimeve Kult 2017 mori një tjetër dimension. Dren Abazi ngriti sallën në këmbë me performancën e tij të shkëlqyer. Keli Band me muzikë origjinale e futën publikun në një tjetër botë…

Pa diskutim nuk mund t’i mungonte mbrëmjes një performancë nga këngëtarja lirike e njohur gjerësisht për muzikën në rryma të ndryshme, e cila u nderua edhe me çmim, Vikena Kamenica. Ajo interpretoi edhe këngën Margjelo duke na rikthyer të gjithëve pas në kohë!

Këtë herë ishin 60 të nominuar për 10 kategori të Çmimeve Kult 2017.

Gjatë mbrëmjes u dhanë dy Çmime Nderi, përkatësisht:

Margarita Kristidhit dhe Mumtaz Dhramit.

Margarita Kristidhi
Mumtaz Dhrami

Ndërsa fituesit e Çmimeve Kult 2017 janë:

Përkthimi i Vitit: Saverina Pasho me “Harta dhe Territori” – Michel Houellebecq.

Saverina Pasho

Libri Artistik i Vitit: Artan Fuga me librin “Murgu”.

Artan Fuga

Artisti Pamor i Vitit: Bashkim Ahmeti me “Ekspozitë Vetjake”.

Bashkim Ahmeti

Balerini i Vitit: Ervis Nallbani – “Arrëthyesi”.

Ervis Nallbani

Instrumentisti i Vitit: Jonian Kadesha në Violinë nga “Koncert për violinë solo”.

Jonian Kadesha

Interpretuesi Lirik i Vitit: Vikena Kamenica me rolin e Romeos – “I Capuleti e i Montecchi”.

Vikena Kamenica

Kënga e Vitit: Alban Skënderaj me këngën “Unë & Ti”.

Alban Skënderaj

Aktori i Vitit: Bujar Asqeriu – “Familja Tot”.

Bujar Asqeriu

Aktorja e Vitit: Adelina Muça – “Familja Tot”.

Regjisori i Vitit: Altin Basha – “Made in Albania”.

Altin Basha