Fitues i shumë çmimeve ndërkombëtare, vjen në Akademinë Marubi “Nga më të fortët”

“Nga ata të fortët” është një film gjerman, që do të shfaqet këtë të enjte në Akademinë e Filmit dhe Multimedias Marubi.

Ky prodhim kinematografik i vitit 2006, ka fituar 9 çmime në Festivalet Ndërkombëtare të Filmit, si: Ҫmimi FIPRESCI, Label Europa Cinemas, “Bronze Camera 300” për Drejtorin e Fotografisë në Brothers Manaki International Film Festival 2006, etj.

Historia flet rreth djaloshit Mikael Polishka, i cili me një këmbë të përgjakur, gjendet në rajonin e policisë, ku tregon historinë e tij të dhimbshme, duke nisur që në momentin kur njerku e dëboi nga shtëpia bashkë me mamanë, e vazhdon me ngjarjet që pasuan më vonë.

Filmi do të shfaqet në Akademinë Marubi në 14 dhjetor, ora 19:00 – 21:00. Hyrja është falas.