Dhuro shpresë në fund vit, nisëm bamirëse

Të rinjtë e Durrësit i janë bashkuar kauzës për të ndihmuar personat në nevojë ekonomike. Fokusi i të rinjve këtë vit do të jetë kryesisht në fshatrat e Durrësit, ku një pjese të madhe të familjeve i janë dëmtuar banesat si pasojë e tërmetit të datës 26 nëntor.

Kësaj nisme mund t’i bashkohen të gjithë qytetarët, duke dhuruar ushqime ose rroba që nuk i nevojiten më. Nisma e bamirësisë ndërmerret nga grupimet rinore jofitimprurëse, “Bicycle Durrës”, “Lëvizja Reago për Drejtësi”, “Durrësi Aktiv”, CSDC Durrës (Qendra e Zhvillimit të Shoqërisë Civile), “Reflect & Act Organization” dhe media Amfora.al, duke synuar t’i vijë në ndihmë familjeve në nevojë.

Ndihmat në formë dhurate do të mblidhen tek rruga “Agostin Serreqi”, Durrës, në zyrat e CSDC Durrës (Qendra e Zhvillimit të Shoqërisë Civile), nga ora 09:00-16:00, deri më datë 28 dhjetor, për tu shpërndarë një ditë më pas.

Për më shumë mund të kontaktoni në numrin e celularit 069 666 2444 apo të shkruani në Facebook në faqet “Bicycle Durrës, Durrësi Aktiv, Lëvizja Reago për Drejtësi apo CSDC Durrës”.