Pse njerëzit inteligjentë e kanë të vështirë të jenë të lumtur?

Personat me një nivel të lartë të inteligjencës mund të jenë më të suksesshëm në aspektin e karrierës, edukimit dhe rrethit shoqëror, por është një fakt i dëshmuar shkencërisht se këta persona e kanë më të vështirë të jenë të lumtur.   Pse ndodh kjo? Fillimisht, njerëzit inteligjentë e kanë një ‘tendencë mizore’ për të analizuar së tepërmi çdo aspekt të jetëve të tyre. Ata rrallëherë e shohin një situatë ashtu siç është dhe nuk e shohin menjëherë me pozitivet, por e analizojnë çdo aspekt të asaj situate, derisa të gjejnë diçka jo të mirë rreth asaj. Mendimi i tepërt është pengesë e madhe, prandaj edhe ekziston fraza se “injoranca është lumturi”. Së dyti, standardet e tyre janë shumë të larta. Njerëzit inteligjentë e dinë çfarë duan, çfarë mund të arrijnë dhe vështirë se kënaqen me pak. Së treti, ata e gjykojnë veten së tepërmi. E analizojnë sjelljen e tyre në çdo aspekt dhe asnjëherë nuk lumturohen me atë çfarë arrijnë. Së katërti, realiteti shpeshherë është i mërzitshëm. Personat inteligjentë mund t’i kuptojnë strukturat më të thella, domethëniet e jetës dhe nuk mund të pushojnë derisa t’i gjejnë. Gjërat e vogla në jetë asnjëherë nuk mjaftojnë – ata duan më shumë, por jo gjithmonë mund ta arrijnë. Së pesti, ata kërkojnë të kuptohen nga të tjerët dhe të komunikojnë, por jo gjithmonë i kanë këto dy gjëra. Një ndër ndjenjat më të mira në jetë është të kuptoheni nga të tjerët, prandaj inteligjentët janë më të vetmuar e pikëlluar, sepse nuk ndihen se të tjerët po i kuptojnë. Së gjashti, shumica e njerëzve me inteligjencë të lartë vuajnë nga probleme psikologjike. Shqetësimet sociale dhe sindroma bipolare janë rastet më të shpeshta që gjenden te njerëzit me inteligjencë të lartë. Ndërsa problemi i tyre më i zakonshëm është depresioni ekzistencial, i cili është rezultat direkt i mendimit të tepërt.
115 Shikime

Mosha ideale për t'u bërë nënë

Jeni ende në kohë... Të gjitha e kemi parasysh atë ndjesinë e stresit që të shkakton fjalia e përhershme e mamave, pasi i ke kaluar të 30-at dhe akoma nuk ke një fëmijë. Mite nga më të ndryshmet kemi dëgjuar rreth shtatzënisë së vonë, por studimi i fundit ka vërtetuar të kundërtën. Shumica e grave në vendet më të zhvilluara të botës kanë zgjedhur me qëllim një moshë më të vonë për t’u bërë nëna. Dhe kjo ka rezultuar të jetë gjëja më e mirë për fëmijët e tyre, edhe pse gjatë gjithë kohës femrës i është thënë se një shtatzëni e vonë nuk është e shëndetshme, si për nënën ashtu edhe për bebin, pasi ky i fundit mund të jetë më i riskuar ndaj sëmundjeve gjenetike apo defekteve fizike që në lindje. Dhe kjo sigurisht ka bërë që shumë femra të heqin dorë nga mëmësia, vetëm për shkak të moshës së tyre. Por ajo që nuk dinim deri më sot është se jo vetëm që është më mirë të bëhesh nënë më vonë, por kjo shoqërohet dhe me avantazhe të tjera. Fëmijët tuaj janë të prirur të jenë më të suksesshëm dhe më të disiplinuar. Dhe në fakt kjo bën sens, sepse të bëhesh nënë në të 20-at, nuk është njësoj si të jesh në mes të 30-ave. Je më e përgjegjshme, e plotësuar dhe më e qëndrueshme financiarisht. Sigurisht që këta faktorë janë të rëndësishëm, por ajo çka e bën moshën e një femre akoma dhe më të rëndësishme, është maturimi psikologjik i saj. “Dihet që njerëzit me kalimin e moshës dinë se si të përshtaten me situata nga më të ndryshmet, janë të prirur për të qenë më tolerantë dhe janë më pak të ngarkuar nga ana psikologjike”, shprehen ekspertët rreth kësaj. Nënat më të mëdha në moshë janë më të kujdesshme me fëmijët e tyre, duke mos i ushtruar presion dhe duke nxituar kreativitetin tek ata. Madje rezultatet e fundit tregojnë se këta fëmijë janë edhe më inteligjentë dhe me aftësi më të zhvilluara njohëse.
116 Shikime

7 “mëkatet vdekjeprurës” të lumturisë

Ndërkohë që bota shkencore po zbulon faktorët e ndryshëm që përcaktojnë se sa të lumtur do të jemi, përgjatë historisë na është thënë prej filozofëve të mëdhenj dhe udhëheqësve fetarë, se çfarë duhet të shmangim, me qëllim që të jemi të lumtur. Ja cilët janë sulmet më të rrezikshëm ndaj lumturisë. Këta “mëkate” janë kaq vdekjeprurës, saqë shpesh herë nuk e vëmë re se po biem në kurth, deri kur zgjohemi një ditë dhe pyesim, përse po e shohim veten tonë në pasqyrë. Kini kujdes nga këto 7 kurthe: Krahasimi i vetes suaj me të tjerët “Krahasimi është vdekja e gëzimit.” - Mark Twain Të flisni për ëndrrat tuaja, në vend që të punoni për t’i bërë realitet “Vetëkënaqësia shpesh e bën jetën të mjerë. Duhet të veprojmë më shumë, të mendojmë më pak, dhe të pushojmë së pari vetveten duke jetuar.” - Nicolas Chamfort Të dëgjoni njerëzit që nuk kanë asgjë pozitive për të thënë “Një ankues është si një Vdekje-Ngrënës, sepse ka një thithje energjie negative.” - Barbara Corcoran Të fokusoheni tek lajmet “Lajmi i keq është se vetëm njerëzit e këqinj bëjnë lajm, sepse ata janë më të zhurmshëm.” - Javier Bardem Të vendosni që dikush tjetër ka nevojë të ndryshojë “Pse shikon lëmishten që është në syrin e vëllait tënd dhe nuk shikon trarin që është në syrin tënd?” - Jezus Krishti (Mateu 7:3) Të mendoni që “lumturia” është një destinacion që mund ta arrini “Gëzimi nuk ka fare të bëjë me sendet materiale, apo me rrethanat e jashtme të njeriut… Një njeri që jeton në prehërin e luksit mund të jetë i zhytur në mjerim shpirtëror, dhe një njeri në thellësitë e varfërisë, mund të rrezatojë gëzim e lumturi.” - William Barclay Të harroni të thoni “faleminderit” “Ne shpesh herë marrim si të mirëqena gjërat që meritojnë më shumë mirënjohjen tone.” - Cynthia Ozick
123 Shikime

Harta e Eventeve